Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 55 Hüküm no: 4 Orijinal metin no: [1b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. es-Seyyid Mustafa Reis b. Mehmed’in Rabia Hatun bt. Halil’e olan borcunu ödemesi Mahrûse-i Galata a‘mâlinden kasaba-i Kasımpaşa’da Çatma Mescid mahallesinde sâkine bâ‘isetü’l-vesîka Rabia Hâtun bt. Halil mahfel-i şer‘-i hatîr-i lâzimü’t-tevkīrde es-Seyyid Mustafa Reis b. Mehmed mahzarında üzerine da‘vâ ve takrîr-i kelâm edip mezbûr es-Seyyid Mustafa Reis zimmetinde mukaddemâ iştirâ ve kabz eylediği on dört zirâ‘ Çenber ta‘bîr olunur sefîne semeninden bâ-temessük yirmi beş guruş hakkım bâkī kalmağın suâl olunup alıverilmesi murâdımdır dedikde gıbbe’s-suâl mezbûr es-Seyyid Mustafa Reis cevâbında fi’l-vâki‘ müdde‘iyye-i merkūme Rabia Hâtun’a ber-vech-i muharrer cihet-i merkūmeden zimmetinde yirmi beş guruş deyni bâkī kaldığını ikrâr ve i‘tirâf mûcebiyle meblağ-ı bâkī-i merkūmu müdde‘iyye-i mezbûre Râbia Hâtun’a edâ ve teslîme reîs-i mezbûra tenbîh birle mâ-hüve’l-vâkı‘ bi’l-ibtigā ketb olundu. Fi’l-yevmi’s-sâdis aşer min-Cumâdelâhire sene 1137. Şuhûdü’l-hâl: es-Seyyid Ali Ağa b. Hasan, Muhzır İbrahim b. Mustafa, Süleyman b. Osman, Ali b. Ahmed, Bursalı Mehmed, Mustafa b. Receb.