Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 61 Hüküm no: 13 Orijinal metin no: [2b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma bt. Ahmed’in Halife b. Salih’den muhalaa ile boşandığı Mahrûse-i Galata’da Alacamescid mahallesinde sâkine zâtı el-Hâc Mustafa b. el-Hâc Ramazan ve el-Hâc Mehmed b. el-Hâc Ali nâm kimesneler ta‘rîfleriyle mu‘arrefe olan Fâtıma bt. Ahmed nâm hâtun meclis-i şer‘de zevc-i muhâlı‘ı işbu râfi‘u’l-vesîka Halife b. Salih nâm kimesne mahzarında bi-tav‘ihâ ikrâr ve takrîr-i kelâm edip zevcim mezbûr ile beynimizde hüsn-i zindegânemiz olmayıp hul‘a tâlibe ve râgıbe olduğum cihetle zimmetinde mütekarrır ve ma‘kūdün-aleyh olan iki bin akçe mehr-i mu‘accelimden fâriğa olup nafaka-i iddet ve me’ûnet-i süknâm dahi kendi üzerime olmak üzere zevcim mezbûr Halife ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru kabûl eyledikden sonra hukūk-ı zevciyyete müte‘allika da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’s-sânî ve’l-ışrîn min-Cemâziyelâhir li-sene 1137 Şuhûdü’l-hâl: el-Hâc Hızır b. el-Hâc Ramazan, el-Hâc Mehmed b. el-Hâc Ali, el-Hâc Ali b. Mehmed, Halil b. Mustafa, Mustafa b. Ahmed, Mehmed b. Ahmed.