Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 64 Hüküm no: 17 Orijinal metin no: [3a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Ali b. Mehmed’in Gürcü asıllı kölesi Hasan b. Abdullah’ı anlaşma yoluyla azat ettiği (mükâtebe) Mahrûse-i Galata muzâfâtından kasaba-i Tophâne’de Cihangir mahallesinde sâkin sefîne reîslerinden el-Hâc Ali b. Mehmed nâm kimesne meclis-i şer‘de abd-i mükâtebi orta boylu açık kaşlı kara gözlü Gürciyyü’l-asl Müslimü’l-mille râfi‘u hâzihi’l-kabâle Hasan b. Abdullah mahzarında ikrâr ve takrîr-i kelâm edip mevsûf-ı mezbûr Hasan’ı bundan akdem iki yüz guruş kitâbete kat‘ eylemişdim hâlâ mevsûf-ı mezbûr Hasan bedel-i mezbûr iki yüz guruşu bana def‘ u teslîm ben dahi ber-vech-i muharrer ahz u kabz eylediğim cihetle mevsûf-ı mezbûr Hasan sâir ahrâr-ı asliyyîn gibi hür olup üzerinde velâ-i şer‘îden gayri hakkım kalmamışdır dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’râbi‘ ve’l-ışrîn min-Cemâziyelâhir li-sene 1137. Şuhûdü’l-hâl: Abdurrahman Çelebi b. Hüseyin, İbrahim Bey b. Abdullah, Abdurrahman Çelebi b. Hüseyin, İbrahim b. Muharrem, Halil b. Mustafa.