Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 69 Hüküm no: 25 Orijinal metin no: [3b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rabia bt. Hasan’ın Mustafa Beşe b. Yusuf’dan muhalaa ile boşandığı Mahrûse-i Galata muzâfâtından kasaba-i Kasımpaşa’da Sahhâf Muhyiddin Efendi mahallesinde sâkine olup zâtı Kundakcı Mehmed Beşe b. Ahmed ve Tabancacı el-Hâc Hasan b. Mehmed ta‘rîfleriyle mu‘arrefe olan Rabia bt. Hasan nâm hâtun mahfil-i şer‘de zevc-i muhâlı‘ı işbu râfi‘u’l-vesîka Mustafa Beşe b. Yusuf nâm kimesne mahzarında ikrâr ve takrîr-i kelâm edip zevcim mezbûr Mustafa Beşe ile beynimizde adem-i hüsn-i zindegânemiz olmayıp hul‘a tâlibe ve râgıbe olduğum cihetle zimmetinde mütekarrır ve ma‘kūdün-aleyh olan bin akçe mehr-i mü’eccelimden fâriğa olup nafaka-i iddet ve me’ûnet-i süknâm dahi kendi üzerime olmak üzere zevcim mezbûr Mustafa ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyyete vesâire müte‘allika da‘vâdan her birimiz âharın zimmetini ibrâ ve ıskāt eyledik dediklerinde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’l-ışrîn min-Cemâziyelâhir li-sene 1137. Şuhûdü’l-hâl: Süleyman b. Ahmed, Mustafa Efendi b. Mehmed, Ebûbekir b. Hüseyin, Molla Mehmed b. Yusuf, Ali b. Abdurrahman.