Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 82 Hüküm no: 40 Orijinal metin no: [5b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. Osman’ın Mustafa b. Ahmed’den muhalaa ile boşandığı Mahmiye-i Galata’ya tâbi‘ kasaba-i Tophane’de Defterdâr Ebulfazl mahallesinde sâkine Emine bt. Osman nâm hâtun zâtı ba‘de’t-ta‘rîfi’ş-şer‘î meclis-i şer‘de zevc-i muhâlı‘ı işbu râfi‘u’l-vesîka Mustafa b. Ahmed nâm kimesne mahzarında bi-tav‘ihâ ikrâr ve takrîr-i kelâm edip zevcim mezbûr ile beynimizde hüsn-i zindegânemiz olmayıp hul‘a tâlibe ve râgıbe olduğum ecilden zimmetinde mütekarır ve ma‘kūdün-aleyh olan bin beş yüz akçe mehr-i mü’eccelimden fâriğa olup nafaka-i iddet ve me’ûnet-i süknâm dahi kendi üzerime olmak üzere zevcim mezbûr Mustafa ile muhâla‘a-i sahîha ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyyete vesâire müte‘allika âmme-i da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fî-gurre-i Recebi’l-ferd sene 1137. Şuhûdü’l-hâl: Halil b. Mustafa, Ali b. Abdullah, Süleyman Efendi b. Osman, Molla İbrahim b. Hüseyin, Mustafa b. Ahmed.