Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 83 Hüküm no: 42 Orijinal metin no: [5b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İngiliz Baştercümanı Sokaki v. Kriko’nun Rus asıllı kölesi Anna bt. Anderya’yı azat ettiği Mahrûse-i Galata hâricinde Tomtom mahallesinde sâkin İngiliz Baştercümânı Sokaki v. Kriko meclis-i şer‘de takrîr-i kelâm ve ta‘bîr ani’l-merâm edip ıtk-ı âtî sudûruna değin bana rıkkiyyetini mu‘terife olan orta boylu açık kaşlı göğ gözlü Rusiyyetü’l-asl kâfiretü’l-mille bâ‘isetü hâzihi’l-kabâle gāibe ani’l-meclis Anna bt. Anderya nâm câriyemi lâ li-ivazin âcil velâ li-garazın âcil mâlımdan tahrîr ve i‘tâk ve zümre-i harâyir-i asliyyâta idhâl eyledim ba‘de’l-yevm mezbûre Anna sâir ahrâr-ı asliyyât gibi hürre olup üzerinde velâ-yı şer‘îden gayri hakkım bâkī kalmadı dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi gurre-i Recebi’l-ferd sene 1137. Şuhûdü’l-hâl: İbrahim b. Muharrem, Halil b. Mustafa, Mehmed b. Ahmed, Ali b. Ahmed, Mustafa b. Ahmed ve [gayrühum].