.:: İstanbul Kadı Sicilleri ::.


Galata Mahkemesi 259 Numaralı Sicil (H. 1137-1138 / 1724-1725)
cilt: 63, sayfa: 102
Hüküm no: 68
Orijinal metin no: [8b-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Nikola v. Yani’nin Hürmüz v. İstarati aleyhine yaralamadan dolayı açtığı davanın reddedildiği

Mellâh tâifesinden Nikola v. Yani nâm zimmî meclis-i şer‘de işbu hâmilü’r-rakīm Hürmüz v. İstarati nâm zimmî muvâcehesinde üzerine da‘vâ ve takrîr-i kelâm edip mezbûr Hürmüz bundan akdem mahrûsa-i Galata’ya tâbi‘ Arnavud nâm karyede odun yarmasıyla amden bi-gayrı hakkın başımın sağ cânibine darb ve cild-i lahmını mütelâhime-i şec etdikden sonra ba‘de’l-bir’ hâlâ eseri nümâyân olmağın el-ân mezbûr Hürmüz’den suâl olunup cinâyet-i mezbûresinin mûceb-i şer‘îsi icrâ olunmak matlûbumdur dedikde gıbbe’s-suâl ve akībe’l-inkâr müdde‘î-i mezbûrdan müdde‘âsını mübeyyin beyyine taleb olundukda ityân-ı beyyineden izhâr-ı acz ile isre’l-istihlâf ve ba‘de’l-halefi’ş-şer‘î mûcebiyle mezbûr Nikola mezbûr Hürmüz’e bilâ beyyine bî-vech mu‘ârazadan men‘ birle mâ-hüve’l-vâkı‘ bi’l-ibtigā ketb olundu.

Fi’l-yevmi’s-sâmin min-Recebi’l-ferd li-sene 1137.

Şuhûdü’l-hâl: Halil Çelebi b. Mustafa, Ali b. Ahmed, Ahmed Bey el-muhzır, Çukadâr el-Hâc Mehmed, Serrac Osman, Bursalı Muhzır Mehmed.