Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 120 Hüküm no: 87 Orijinal metin no: [11b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Safiye bt. Bayezid ile Ali b. Abdullah’ın bâyinen boşandığı Mahrûse-i Galata muzâfâtından kasaba-i Fındıklı’da Selime Hâtun mahallesinde sâkine işbu râfi‘atü’l-vesîka Safiye bt. Bayezid nâm hâtundan ber-vech-i âtî istihbâr-ı şer‘î sudûrundan sonra udûl-i ahrâr-ı ricâl-i Müslimînden olup mahrûse-i mezbûre hâricinde Müeyyedzâde mahallesinde sâkin es-Seyyid Ali Ağa b. Hasan ve Mehmed Çelebi b. Hüseyin nâm kimesneler li-ecli’l-ihbâr meclis-i şer‘a hâzırân olup isre’l-istişhâd fi’l-vâki‘ işbu müstahbire-i mezbûre Safiye Hâtun’un zevci Ali b. Abdullah b. Abdurrahman nâm kimesne târih-i kitâbdan dört ay mukaddem mahrûse-i mezbûrda Câmi‘-i cedîd civârında bizim huzûrumuzda zevcesi Safiye Hâtun’u bâyinen tatlîk edip bizi işhâd eyledi deyü muhbirân-ı mezbûrândan her biri keyfiyet-i muharrereyi alâ-tarîki’ş-şehâde haber vermeleriyle vâki‘ hâl hıfzan li’l-makāl ketb olundu. Fi’l-yevmi’s-sâbi‘ ve’l-ışrîn min-Cemâziyelâhir li-sene seb‘a ve selâsîn ve mi’e ve elf. Şuhûdü’l-hâl: el-Hâc Mehmed b. Mustafa, Mustafa b. Ahmed, Süleyman b. Osman, İbrahim b. Hasan, Halil Çelebi b. Mustafa, Ahmed b. Mehmed, Yusuf b. Abdullah.