Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 126 Hüküm no: 93 Orijinal metin no: [12b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. İbrahim’in İsmail Beşe b. Mehmed’den muhalaa ile boşandığı Mahrûse-i Galata muzâfâtından kasaba-i Fındıklı’da İbrahim Efendi mahallesinde sâkine ve zâtı Usta Mehmed b. Halil ve Halil Çelebi b. Mustafa nâm kimesneler ta‘rîfleriyle mu‘arrefe olan Emine bt. İbrahim nâm hâtun meclis-i şer‘de zevc-i muhâlı‘ı işbu râfi‘u’l-kitâb İsmail Beşe b. Mehmed nâm kimesne mahzarında ikrâr ve takrîr-i kelâm edip zevcim mezbûr İsmail Beşe ile beynimizde adem-i hüsn-i mu‘âşeretden nâşî hul‘a tâlibe ve râgıbe olduğum ecilden zimmetinde mutakarrır ve ma‘kūdün-aleyh olan iki bin beş yüz akçe mehr-i mü’eccelimden fâriğa olup nafaka-i iddet ve me’ûnet-i süknâm dahi kendi üzerime olmak üzere zevcim mezbûr İsmail Beşe ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru kabûl eyledikden sonra hukūk-ı zevciyyete ve târih-i kitâba gelince sâir beynimizde cereyân eden ahz u i‘tâ ve mu‘âmelât-ı şettâya müte‘allika âmme-i da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fî-gurre-i Şa‘bâni’l-mu‘azzam sene 1137. Şuhûdü’l-hâl: İmâm Mustafa Efendi b. el-Hâc Ahmed, Ömer Ağa b. el-Hâc Hasan, İbrahim Çelebi b. Hüseyin, Ahmed Çelebi b. Mustafa, Molla Süleyman b. Mustafa, Ali Beşe b. Ali.