Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 129 Hüküm no: 97 Orijinal metin no: [13a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. Halil’in Süleyman Çelebi b. el-Hâc Ahmed’den muhalaa ile boşandığı Mahrûse-i Galata hâricinde Bedreddin Bey mahallesinde sâkin zâtı Halil Ağa b. Mustafa ve el-Hâc Hüseyin b. Süleyman nâm kimesneler ta‘rîfleriyle mu‘arrefe olan Hadîce bt. Halil nâm hâtun meclis-i şer‘de zevc-i muhâlı‘ı işbu râfi‘u’l-kitâb Süleyman Çelebi b. el-Hâc Ahmed nâm kimesne mahzarında ikrâr ve takrîr-i kelâm edip zevcim mezbûr Süleyman Çelebi ile beynimizde adem-i hüsn-i zindegânîden nâşî hul‘a tâlibe ve râgıbe olduğum cihetle zimmetinde mütekarrır ve ma‘kūdün-aleyh olan dört bin akçe mehr-i mü’eccelimden fâriğa olup nafaka-i iddet ve me’ûnet-i süknâm dahi kendi üzerime olmak üzere zevcim mezbûr Süleyman Çelebi ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı müte‘allika-i âmme-i da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîki’ş-şer‘î mâ-vaka‘a [bi’t-taleb] ketb olundu. Fi’l-yevmi’s-sâdis min-Şa‘bâni’l-mu‘azzam sene 1137. Şuhûdü’l-hâl: el-Ahirûn, el-âhirûn.