Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 132 Hüküm no: 101 Orijinal metin no: [13b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Abdullah’ın Bostani Mustafa b. Süleyman’dan muhalaa ile boşandığı Mahrûse-i Galata muzâfâtından kasaba-i Tophane’de Hoca Ali mahallesinde sâkine Âişe bt. Abdullah nâm hâtun zâtı ba‘de’t-ta‘rîfi’ş-şer‘î meclis-i şer‘de zevc-i muhâlı‘ı işbu râfi‘u’l-vesîka Bostani Mustafa b. Süleyman nâm kimesne mahzarında bi-tav‘ihâ ikrâr ve takrîr-i kelâm edip zevcim mezbûr Bostani Mustafa ile beynimizde adem-i hüsn-i mu‘âşeretden nâşî hul‘a tâlibe ve râgıbe olduğum ecilden zimmetinde mütekarrır ve ma‘kūdün-aleyh olan iki bin akçe mehr-i mü’eccelimden fâriğa olup nafaka-i iddet ve me’ûnet-i süknâm dahi kendi üzerime olmak üzere zevcim mezbûr Bostani Mustafa ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyyete vesâire müte‘allika âmme-i da‘vâdan her birimiz âharın zimmetin ibrâ ve ıskāt eyledik dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’s-sâdis min-Şa‘bâni’l-mu‘azzam sene 1137. Şuhûdü’l-hâl: Mehmed Efendi b. Murad, İsmail b. Hasan, Mustafa b. Ömer, Yusuf b. Abdullah, Ahmed b. Mustafa, Mustafa b. Ahmed, Ali b. Ahmed.