Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 786 Hüküm no: 1027 Orijinal metin no: [122a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mardiros v. Simaven’in, bağını Agya’ya sattığı Vilâyet-i Anadolu’da Eğin kazâsına tâbi‘ Apçağa nâm karye ahâlîsinden Mardiros v. Simaven nâm Karabaş zimmî meclis-i şer‘de bâ‘isü’s-sifr Agya v. Dinkek nâm zimmî mahzarında ikrâr ve takrîr-i kelâm edip karye-i mezbûrda vâki‘ bir tarafdan mezbûr Agya ve bir tarafdan Mekos ve bir tarafdan Hannan nâm zimmîler bağları ve bir tarafdan dere harkı ile mahdûd mülk bağımı mezbûr Agya’ya tarafeynden îcâb ve kabûlü hâvî bey‘-i kat‘î ile üç yüz yirmi guruşa bey‘ edip mezbûr Agya dahi iştirâ ve kabûl ettiğinden sonra semen-i mezbûrun iki yüz on esedî guruşunu bağ semeninden mezbûr Agya’ya deynim olan iki yüz on esedî guruşa takās ol dahi mukāssa edip bâkī yüz on esedî guruşunu dahi mezbûr Agya yedinden tamâmen ahz u kabz ettiğimden sonra zikr olunan bağı mahallinde kabza mezbûr Agya’yı taslît eyledim min ba‘d zikr olunan bağ mezbûr Agya’nın mülk-i müşterâsıdır keyfe mâ yeşâ’ ve yahtâr mutasarrıf olsun dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâmin min Şevvâli’l-mükerrem li sene seb‘a ve seb‘în ve elf Şuhûdü’l-hâl: İbrahim Ağa b. Ömer Efendi, Mahmud Bey b. Ali Bey, Ebûbekir Çelebi b. Ömer, Ahmed Çelebi b. ( ) el-Müezzin, Mehmed Beşe b. Ramazan.