Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 143 Hüküm no: 115 Orijinal metin no: [15b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sünbülye bt. Panayot’un Todori v. Barko’dan bayinen boşandığı Mahrûse-i Galata muzâfâtından kasaba-i Kasımpaşa’da el-Hâc Ferhad mahallesinde sâkine Sünbülye bt. Panayot nâm Nasrâniye zâtı ba‘de’t-ta‘rîfi’ş-şer‘î mahfil-i şer‘de zevc-i mutallıkı işbu râfi‘u’r-rakīm Todori v. Barko nâm zimmî muvâcehesinde ikrâr ve takrîr-i kelâm edip zevcim merkūm Todori ile beynimizde adem-i hüsn-i zindegânîmiz olmayıp âyin-i âtılamız üzere beynimizde mehr-i müsemmâ olmamağın hâlâ merkūm Todori beni bâyinen tatlîk etmeğle ben dahi merkūm Todori’nin firâşından hâsıl ve benden mütevellid sagīr evlâdlarım Foti ve Angine’yi kendi mâlımdan infâk ve iksâ etmek üzere ta‘ahhüd eylediğimizden sonra hukūk-ı zevciyyete müte‘allika da‘vâdan her birimiz âharın zimmetini ibrâ ve ıskāt eyledik dedikde. Fi’l-yevmi’s-sânî aşer min-Şa‘bâni’l-mu‘azzam sene 1137. Şuhûdü’l-hâl: Halil b. Mustafa, Mustafa b. Ahmed, Mustafa b. Receb, İbrahim b. Mustafa.