Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 155 Hüküm no: 129 Orijinal metin no: [18a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kendi rızasıyla kara pabuccu taifesi kethüdalığından ayrılan Volan Leviz v. Kalyano’nun yerine Dimitri v. Yorgi’nin tayin olunduğu Mahrûse-i Galata’da vâki‘ kara babuccu tâifesinin kethudâları olan Leviz v. Kalyano nâm zimmî kendi hüsn-i rızâsıyla zikr olunan kethudâlıkdan kasr-ı yed etmeğle hırfet-i merkūme ustalarından olup her vechile beynlerinde mu‘temed ve müstakīm olduğundan mâ‘adâ cümlenin muhtârı olduğu yine tâife-i merkūmeden olup isimleri zeyl-i vesîkada muharrer ve mastûr olan ustalar ihbârlarıyla lede’ş-şer‘i’l-enver zâhir olan işbu hâmilü’r-rakīm Dimitri v. Yorgi nâm zimmî kıbel-i şerî‘at-ı garrâdan tâife-i merkūme üzerlerine kethudâ nasb ve ta‘yîn olundukda ol dahi ber-vech-i muharrer kethudâlığı kabûl ve hıdemât-ı lâzimesini mahallinde kemâ yenbeğī ikāmete ta‘ahhüd etmeğin mâ-hüve’l-vâkı‘ bi’l-ibtigā ketb olundu. Fi’l-yevmi’l-ışrîn min-Şa‘bâni’l-mu‘azzam sene 1137. Şuhûdü’l-hâl: Angeli v. Yorgi, Yorgi v. Salovi, Sindır v. Nikola, Marko v. Dominiko, İstamat v. Kostantin, Hristo Doli v. Yorgi, Dimitri v. Diyorgi, Yani v. Parsik, Manol v. Yorgi.