Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 166 Hüküm no: 142 Orijinal metin no: [20b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Muhzır Mustafa b. Receb’in menzilinin Ümmügülsüm bt. Ahmed’e satıldığı Mahrûse-i Galata hâricinde Sarı Lütfi mahallesinde sâkin iken bundan akdem vefât eden Muhzır Mustafa b. Receb nâm kimesnenin sulbî kebîr oğlu ve hasren vârisi olan Salih nâm kimesne meclis-i şer‘de işbu sâhibetü’l-kitâb Ümmügülsüm bt. Ahmed nâm hâtun mahzarında ikrâr ve takrîr-i kelâm edip babam müteveffâ-yı mezbûrun terekesinden olup mahalle-i mezbûrede vâki‘ bir tarafdan Müezzin Ahmed Çelebi mülkü ve iki tarafdan Emine Hâtun mülkü ve bir tarafdan tarîk-i hâs ile mahdûd fevkānî iki bâb oda ve dehlîz ve tahtânî dehlîz ve kenîf ve mahtabı ve mezbûr Müezzin Ahmed Çelebi ile müşterek duvarı müştemil mülk menzilimi mezbûre Ümmügülsüm Hâtun’a tarafeynden îcâb ve kabûlü hâvî bey‘-i bâtt-ı sahîh-i şer‘î ile yüz on guruşa bey‘ u teslîm ve temlîk edip ol dahi ber-vech-i muharrer iştirâ ve tesellüm ve kabz ve kabûl eyledikden sonra semeni olan meblağ-ı mezbûr yüz on guruşu müşterî-i mezbûre Ümmügülsüm Hâtun yedinden bi’t-tamâm ahz u kabz eyledim ba‘de’l-yevm menzil-i mahdûd-ı mezbûr bi-cemî‘i mâ yeştemilühû ve yahvîhi mezbûre Ümmügülsüm Hâtun’un mülk-i müşterâsı olup benim kat‘an alâka ve medhalim kalmamışdır keyfemâ teşâ ve tahtâr mutasarrıf olsun dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’r-râbi‘ min-şehri Ramazâni’l-mübârek sene 1137. Şuhûdü’l-hâl: İmâm es-Seyyid el-Hâc Mehmed Efendi, Müezzin Abdullah b. Abdullah, el-Hâc Hasan b. Mehmed, Mehmed b. İbrahim, es-Seyyid Ömer Çelebi b. Halil, el-Hâc Salih b. Hasan, İsmail b. Mustafa, Mehmed b. Ahmed, Ahmed b. Hüseyin, İshak Çelebi b. Ahmed.