Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 172 Hüküm no: 152 Orijinal metin no: [21b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahsa bt. Minas’ın eşyalarını kocası İbrahim b. Abdullah’a sattığı Mahrûse-i Galata’da Sultan Bayezid mahallesinde sâkine Ahsa bt. Minas v. Karabet nâm Ermeniye meclis-i şer‘de hâlâ zevci olan işbu râfi‘u’l-vesîka İbrahim b. Abdullah nâm kimesne mahzarında bi-tav‘ihâ ikrâr ve takrîr-i kelâm edip yedimde mâlım ve mülküm olan eşyâmdan bir incili kuşak ve iki beledi döşek ve üç minder ve iki tencere ve bir sini ve bir tâbe ve iki kavuşdurma ve iki anteri ve bir siyah çuka ferâcemi bi-safkatin vâhidetin tarafeynden îcâb ve kabûlü hâvî bey‘-i bâtt-ı sahîh-i şer‘î ile zevcim mezbûr İbrahim’e yirmi beş guruşa bey‘ u teslîm ve temlîk eylediğimde ol dahi ber-vech-i muharrer iştirâ ve tesellüm ve temellük ve kabûl eyledikden sonra eşyâ-i muharrere-i mezkûre aynına ve semenine ve gabn-i tağrîrine müte‘allıka âmme-i da‘vâdan zevcim mezbûr İbrahim’in zimmetini ibrâ ve ıskāt eyledim dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’s-sâmin min-şehri Ramazâni’l-mübârek sene 1137. Şuhûdü’l-hâl: Mustafa b. Ahmed, İbrahim Papuşcu, Mustafa b. Ahmed, Mehmed b. Ahmed, Halil b. Mustafa, Ali b. Ahmed.