Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 173 Hüküm no: 153 Orijinal metin no: [21b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahsa bt. Minas’ın vasiyeti ve kocası İbrahim’i vasi tayin ettiği Mahrûse-i Galata’da Sultan Bayezid mahallesinde sâkine ve şahsı ta‘rîf-i şer‘î ile mu‘arrefe olan Ahsa bt. Minas v. Karabet nâm Ermeniye mahfil-i şer‘de zevci işbu râfi‘u’l-kitâb İbrahim b. Abdullah nâm kimesne mahzarında ikrâr ve takrîr-i kelâm edip benim mahalle-i mezbûrda hâne-i avârızları vakfına elli guruş deynim olmağla mukābelesinde vakf-ı mezbûr mütevellîsi yedine mâlım olan bir incili kuşağımı rehin vaz‘ ve teslîm etmiş idim bi-emri’llâhi te‘âlâ hâlike olduğumda zikr olunan kuşağı rehniyetden fek ve âhara bey‘ ve semeninden deyn-i mezbûru edâ ve cümle terekemden kadr-i ma‘rûf üzere levâzım-ı tahfîr ve tedfînim rü’yet eyledikden sonra tereke-i bâkiyemi vereseme îsâl ve teslîm eyleye deyü vasiyet ve tenfîzine zevci mezbûr İbrahim Beşe’yi vasiyy-i muhtâr nasb ve ihtiyâr eyledikde ol dahi ber-vech-i muharrer vasiyet-i mezbûreyi kabûl ve hıdemât-ı lâzimesini ikāmete ta‘ahhüd etmeğin mâ-hüve’l-vâkı‘ bi’l-ibtigā ketb olundu. Fi’l-yevmi’s-sâmin min-şehri Ramazâni’l-mübârek sene 1137. Şuhûdü’l-hâl: es-Sâbikūn.