Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 175 Hüküm no: 157 Orijinal metin no: [22a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Beşe b. Mustafa’nın mutasarrıf olduğu sefine ve eşyalarının yarısını Mehmed Reis b. el-Hâc Ahmed’e sattığı Mahrûse-i Galata hâricinde Şehsuvar mahallesinde sâkin Süleyman Beşe b. Mustafa nâm kimesne meclis-i şer‘de işbu râfi‘u’l-kitâb Mehmed Reis b. el-Hâc Ahmed nâm kimesne mahzarında ikrâr ve takrîr-i kelâm edip yedimde mülküm olup hâlâ Galata hâricinde Kalafat yerinde merbût örf-i mellâhînde üç direkli ta‘bîr olunur yirmi sekiz zirâ‘ sefîne ile bir sandal ve üç gomana ve bir mikdâr direk âlâtının nısf-ı şâyi‘ini Mehmed Efendi’den îcâb ve kabûlü hâvî bey‘-i bâtt-ı sahîh-i şer‘î ile mezbûr Mehmed Reis’e beş yüz yetmiş beş guruşa bey‘ u temlîk ve teslîm eylediğimde ol dahi ber-vech-i muharrer iştirâ ve temellük ve tesellüm ve kabûl eyledikden sonra semeni olan meblağ-ı mezbûr beş yüz yetmiş beş guruşu mezbûr Mehmed Reis yedinden tamâmen alıp kabz eyledim ba‘de’l-yevm sefîne-i mezkûre ve sandal ve âlâtlarının nısf-ı şâyi‘i mezbûr Mehmed Reis’in mülk-i müşterâsı olmuşdur keyfe mâ yeşâ ve yahtâr mutasarrıf olsun dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’s-sâdis aşer min-şehri Ramazâni’l-mübârek sene 1137. Şuhûdü’l-hâl: es-Sâbikūn.