Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 176 Hüküm no: 158 Orijinal metin no: [22a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye bt. Ahmed’in İbrahim b. el-Hâc Süleyman’dan muhalaa ile boşandığı Mahrûse-i Galata’da Kara Mustafa Paşa mahallesinde sâkine olup zâtı es-Seyyid Ali Ağa b. Hasan ve Süleyman Beşe b. İbrahim nâm kimesneler ta‘rîfleriyle mu‘arrefe olan Rukiye bt. Ahmed nâm hâtun meclis-i şer‘de zevc-i muhâlı‘ı işbu râfi‘u’l-kitâb İbrahim b. el-Hâc Süleyman nâm kimesne mahzarında ikrâr ve takrîr-i kelâm edip zevcim mezbûr İbrahim ile beynimizde adem-i hüsn-i mu‘âşeretden nâşî hul‘a tâlibe ve râgıbe olduğum cihetle zimmetimde mütekarrır ve ma‘kūdün-aleyh olan üç bin akçe mehr-i mü’eccelimden geçip nafaka-i iddet ve me’ûnet-i süknâm kendi üzerime olmak üzere zevcim mezbûr İbrahim ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyyete vesâire müte‘allika âmme-i da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’l-ışrîn min-şehri Ramazâni’l-mübârek sene 1137. Şuhûdü’l-hâl: Kayyum es-Seyyid Mustafa Çelebi, Molla Ahmed b. Mustafa, İsmail Beşe b. Ali, Yahya Efendi b. Yusuf, Süleyman Efendi b. Osman.