Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 176 Hüküm no: 159 Orijinal metin no: [22a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmühâni bt. Hasan’ın Mustafa b. Mehmed’den muhalaa ile boşandığı Mahrûse-i Galata’da Câmi‘-i Kebîr mahallesinde sâkine Ümmühâni bt. Hasan nâm hâtun zâtı ba‘de‘t-ta‘rîfi’ş-şer‘î mahfil-i şer‘de zevc-i muhâlı‘ı işbu râfi‘u’l-vesîka Mustafa b. Mehmed nâm kimesne mahzarında bi-tav‘ihâ ikrâr ve takrîr-i kelâm edip zevcim mezbûr Mustafa ile beynimizde adem-i hüsn-i mu‘âşeretden nâşî hul‘a tâlibe ve râgıbe olduğum cihetle zimmetinde mütekarrır ve ma‘kūdün-aleyh olan bin sekiz yüz akçe mehr-i mü’eccelimden fâriğa olup nafaka-i iddet ve me’ûnet-i süknâm dahi kendi üzerime olmak üzere mezbûr Mustafa ile muhâla‘a-i sahîha-i şer‘iyye ile hul‘ olduğumda ol dahi [22b] ber-vech-i muharrer hul‘-i mezbûru ba‘de’l-kabûl hukūk-ı zevciyyete müte‘allika âmme-i da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’l-ışrîn min-şehri Ramazâni’l-mübârek sene 1137. Şuhûdü’l-hâl: Halil Çelebi b. Mustafa, Mustafa b. Ahmed, Ahmed b. Mustafa, İbrahim b. Mustafa, Mehmed b. Halil.