Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 177 Hüküm no: 160 Orijinal metin no: [22b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. Hasan’ın Salih b. el-Hâc İsa’dan muhalaa ile boşandığı Mahrûse-i Galata hâricinde Müeyyedzâde mahallesinde sâkine Emine bt. Hasan nâm hâtun zâtı ba‘de’t-ta‘rîfi’ş-şer‘î meclis-i şer‘de zevc-i muhâlı‘ı işbu râfi‘u’l-vesîka Salih b. el-Hâc İsa nâm kimesne mahzarında ikrâr ve takrîr-i kelâm edip zevcim mezbûr Salih ile beynimizde adem-i hüsn-i mu‘âşeretden nâşî hul‘a tâlibe ve râgıbe olduğum cihetle zimmetinde mütekarrır ve ma‘kūdün-aleyh olan on guruş mehr-i mü’eccelimden geçip nafaka-i iddet ve me’ûnet-i süknâm dahi kendi üzerime olmak üzere mezbûr Salih ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyyete vesâire müte‘allika âmme-i da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’r-râbi‘ ve’l-ışrîn min-şehri Ramazâni’l-mübârek sene 1137. Şuhûdü’l-hâl: Arusi Mustafa Efendi, İbrahim b. Mustafa, Osman b. Müstecab, Hasan b. Ali, Mustafa b. Ahmed.