Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 192 Hüküm no: 182 Orijinal metin no: [25b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saime bt. Abdullah’ın Ali b. İbrahim’den bayinen boşandığı Mahrûse-i Galata muzâfâtından kasaba-i Tophane’de Cihangir mahallesinde sâkine ve zâtı ta‘rîf-i şer‘î ile mu‘arrefe olan Saime bt. Abdullah nâm hâtun meclis-i şer‘de zevc-i mutallıkı işbu râfi‘u’l-kitâb Ali b. İbrahim nâm kimesne mahzarında ikrâr ve takrîr-i kelâm edip zevcim mezbûr Ali târih-i kitâb günü işbu meclis-i şer‘de beni bâyinen tatlîk etmeğin zimmetinde mütekarrır ve ma‘kūdün-aleyh bin akçe mehr-i mü’eccelim ile nafaka-i iddet ve me’ûnet-i süknâm mukābelesinde dahi bi’t-terâzî ta‘yîn olunan üç yüz akçe ki cem‘an bin üç yüz akçe hakkımı zevcim mezbûr Ali bana def‘ u teslîm edip ben dahi tamâmen yedinden ahz u kabz eylediğimden sonra hukūk-ı zevciyyete müte‘allika âmme-i da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’r-râbi‘ aşer min-Şevvâli’l-mükerrem sene 1137. Şuhûdü’l-hâl: İbrahim Beşe b. Ali, Ömer Beşe b. Osman, Halil Çelebi b. Mustafa, İbrahim b. Mustafa, Ahmed b. Mustafa, Mustafa b. Ahmed.