Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 193 Hüküm no: 183 Orijinal metin no: [25b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Safiye bt. Abdullah’ın Veli Beşe b. İbrahim’den muhalaa ile boşandığı Mahrûse-i Galata’da el-Hâc A‘mâ mahallesinde sâkine ve zâtı ta‘rîf-i şer‘î ile mu‘arrefe olan Safiye bt. Abdullah nâm hâtun meclis-i şer‘de zevc-i muhâlı‘ı işbu râfi‘u’l-vesîka Veli Beşe b. İbrahim nâm kimesne mahzarında ikrâr ve takrîr-i kelâm edip zevcim mezbûr Veli Beşe ile beynimizde adem-i hüsn-i mu‘âşeretden nâşî hul‘a tâlibe ve râgıbe olduğumuz cihetle zimmetinde mütekarrır ve ma‘kūdün-aleyh olan altı yüz akçe mehr-i mü’eccelimden fâriğa olup nafaka-i iddet ve me’ûnet-i süknâm dahi kendi üzerime olmak üzere zevcim mezbûr Veli Beşe ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyyete müte‘allika âmme-i da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’l-hâmis aşer min-Şevvâli’l-mükerrem sene 1137. Şuhûdü’l-hâl: Mustafa Beşe b. Halil, Halil Çelebi b. Mustafa, İbrahim b. Mustafa, Mustafa b. Ahmed.