Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 792 Hüküm no: 1035 Orijinal metin no: [123a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Meryem bt. Hasan’ın, İsmail b. Halil’den muhâlaa yoluyla boşandığı Mahmiye-i İstanbul’da Kethüdâ Hâtun mahallesinde sâkine Meryem bt. Hasan nâm hâtun meclis-i şer‘-i şerîf-i lâzımü’t-teşrîfde zevc-i dâhilün-bihâsı İsmail b. Halil nâm kimesne mahzarında ikrâr ve takrîr-i kelâm edip zevcim mezbûr İsmail zimmetinde mütekarrir ve ma‘kūdun-aleyh olan dört bin akçe mehr-i müeccel-i müsemmâmın üç bin akçesini alıp bâkī bin akçesini ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre ve mezbûr İsmail’den olan sagīr oğlum Ahmed’i ve mezbûr İsmail’den hamlim olmağla ba‘dehû vaz‘ü’l-haml zuhûr eden veledi hakk-ı hidâne sukūtuna değin kendi malımdan infâk etmek üzre mezbûr İsmail ile muhâla‘a-i sahîha-i şer‘iyye ile muhâla‘a edip ol dahi muhâla‘a-i mezbûreyi kabûl eyledikden sonra zevciyyete müte‘allika de‘âvî [ve] mütâlebât ve eymân [ve] muhâsamâtdan her birimiz âharı ibrâ-i âmm-ı kātı‘ü’n-nizâ‘la ibrâ eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâbi‘ aşer min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Şükrullah Bey b. Mustafa, İbrahim b. Ahmed, Resul b. Rıdvan, Veli b. Mahmud.