Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 793 Hüküm no: 1037 Orijinal metin no: [123a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Huri bt. Sahak’ın terekesinin babası ve zevcesi arasında paylaştırılması Mahmiye-i İstanbul’da Kâtib Kasım mahallesinde sâkine iken bundan akdem hâlike olan Huri bt. Sahak nâm nasrâniyenin verâseti zevc-i metrûkü Kirkor v. Asvador ile babası mezbûr Sahak’a münhasıra olduğu şer‘an zâhir ve mütehakkik oldukdan sonra mezbûr Sahak meclis-i şer‘-i hatîr-i lâzımü’t-tevkīrde tereke-i hâlike-i merkūmeye vâzı‘ü’l-yed olan zevci merkūm Kirkor muvâcehesinde ikrâr ve takrîr-i kelâm edip kızım hâlike-i merkūme Huri’nin terekesinden bi’l-irsi’ş-şer‘î bana isâbet eden nısf hisse-i şer‘iyyem mukābelesinde şerâit-i sıhhat-i sulhü hâvî tehârüc-i şer‘î tarîki üzre merkūm Kirkor tavassut-ı muslihîn ile beş esedî guruş üzerine benimle sulh olup ben dahi sulh-i mezbûru kabûl ve bedel-i sulh olan meblağ-ı mezkûr beş esedî guruşu merkūm Kirkor yedinden tamâmen ahz u kabz edip ba‘de’l-yevm tereke-i hâlike-i merkūma müte‘allika cemî‘ da‘vâdan merkūm Kirkor’un zimmeti ibrâ-i âm ile ibrâ ve iskāt eyledim dedikde gıbbe’t-tasdîk mâ hüve’l-vâki‘ bi’t-taleb ketb olundu. Fi’l-yevmi’l-hâmis aşer min Şevvâli’l-mükerrem li sene seb‘a ve seb‘în ve elf Şuhûdü’l-hâl: Kenan [b.] Abdullah, Hasan Bey, Cafer Bey b. ( ) el-Cündî, el-Hâc Mehmed b. ( ).