Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 793 Hüküm no: 1038 Orijinal metin no: [123a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Çavuş b. Abdülmennân’ın, Ahmed Çelebi’ye sattığı câriye bahasından alacağını tahsil ettiği Mahmiye-i İstanbul’da Tahtaminâre mahallesinde sâkin fahrü’l-akrân Mustafa Çavuş b. Abdülmennân meclis-i şer‘-i şerîf-i Ahmedî ve mahfil-i dîn-i münîf-i Muhammedî’de sâbıkan dâmâdı olan işbu bâ‘isü’l-kitâb Ahmed Çelebi b. Mehmed mahzarında ikrâr ve takrîr-i kelâm edip merkūm Ahmed Çelebi zimmetinde yedimden müşterâ ve makbûz evsâfı beynimizde ma‘lûm Rûsiyyetü’l-asl Nâzenin nâm câriye bahâsından yüz kırk esedî guruş hakkım olmağın hâlâ meblağ-ı mezbûr yüz kırk esedî guruşdan merkūm Ahmed Çelebi’nin zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledim dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’s-sânî aşer min Şevvâli’l-mükerrem li sene seb‘a ve seb‘în ve elf Şuhûdü’l-hâl: Receb Ağa b. Mustafa, Receb Çavuş, Mustafa Çavuş b. Abdi, Veli Beşe b. Abdi, Ahmed Halîfe b. ( ) el-Müderris.