Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 214 Hüküm no: 212 Orijinal metin no: [29b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Balıkcı taifesinin kethüdaları Paskal başka yere gittiğinden Pandazi v. Atnaş’ın kethüda tayin edildiği Mahrûse-i Galata’da vâki‘ balıkcı tâifesinden Marko v. İstavri ve Lazari v. Gregor ve Yani v. Hristodoli ve Todori v. Kiryako ve Lefter v. Mali ve Simon v. Pepe Daçor ve Arsumi v. Aslan ve Yorgaki v. Simyon ve Anaştaş v. Tokoroş nâm zimmîler ve sâirleri meclis-i şer‘de işbu râfi‘u’r-rakīm Pandazi v. Atnaş nâm zimmî muvâcehesinde her biri takrîr-i kelâm ve ta‘bîr ani’l-merâm edip kadîmü’l-eyyâmdan bu âna gelince tâife-i mezbûre erbâbının umûrlarını rü’yet için beynimizde bir kethudâ nasb oluna gelip ve kethudâmız olan Paskal diyâr-ı âhara gitmeğle yerine bir kethudâ nasbından lâ-büd olmağın merkūm Pandazi’yi umûrumuzu rü’yet için hâlâ beynimizde kethudâ nasb ve ta‘yîn eyledik dediklerinde merkūm Pandazi dahi ber-vech-i muharrer kethudâlığı kabûl ve mahallinde hıdemât-ı lâzimesini ikāmete ta‘ahhüd etmeğin işbu sahîfe-i sahîha li-ecli’t-tevsîk bi’l-ibtigā ketb olundu. Fi’l-yevmi’s-sâmin ve’l-ışrîn min-Şevvâli’l-mükerrem sene 1137. Şuhûdü’l-hâl: İbrahim b. Muharrem, Halil b. Mustafa, Mustafa b. Ahmed, İbrahim b. Mustafa, Mehmed b. Ahmed, Ali b. Ahmed.