Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 227 Hüküm no: 227 Orijinal metin no: [32b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Anaştaş v. Margarid ile ortağı Todori v. İstanko’nun borçlarına karşılık menzillerini Musa Beşe b. Mehmed’e rehin verdikleri Medîne-i Üsküdar’a tâbi‘ Maltepe karyesinde mütemekkin Anaştaş v. Mangarid ve şerîki Todori v. İstanko nâm zımmîler meclis-i şer‘-i şerîf-i nebevîde işbu râfi‘u’l-vesîka Musa Beşe b. Mehmed b. Abdullah tarafından ikrâr-ı câi’z-zikri tasdîka sâbitü’l-vekâle vekîli olan Abdurrahman Çelebi b. Abdürrezzâk mahzarında her biri ikrâr ve takrîr-i kelâm edip müvekkil-i mezbûr Musa Beşe’ye zimmetimizde cihet-i deyn-i şer‘îden ale’l-iştirâk yüz on dört guruş deynimiz olmağla meblağ-ı merkūm mukābelesinde yedimizde ale’l-iştirâk mülküm olup karye-i mersûmede vâki‘ bir tarafdan Boder Tanaş mülkü ve bir tarafdan Kalafat bahçesi ve bir tarafdan Hırisozko bahçesi ve bir tarafdan ba‘zen Peter mülkü ve ba‘zen tarîk-i âm ile mahdûd fevkānî iki bâb oda ve dehlîz ve tahtânî iki bâb oda ve eşcâr-ı müsmire ve gayr-i müsmireli bahçe ve bi’r-i mâʼî müştemil mülk menzilimi cemî tevâbi‘ ve levâhıkı ile müvekkil-i mersûm Musa Beşe’ye ba‘de’t-tahliyeti’ş-şer‘î rehin ve teslîm eylediğimizde ol dahi ber-vech-i muharrer meblağ-ı merkūm mukābelesinde irtihân ve tesellüm ve kabûl eyledi dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’t-tâsi‘ ve’l-ışrîn min-Şevvâli’l-mükerrem sene 1137. Şuhûdü’l-hâl: Ali Çelebi b. Hüseyin, Halil Beşe b. Ebûbekir, Ali Çelebi b. Receb, Arûsî Mustafa Efendi, Sipahi Ahmed Efendi, Ali Efendi b. Ömer Efendi.