Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 797 Hüküm no: 1043 Orijinal metin no: [123b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Dede b. Mehmed’in, Hoca Nazar Vakfı’na mütevelli tayin olduğu Mahmiye-i İstanbul’da Nevbahar mahallesinde vâki‘ olup merhûm Hoca Nazar nâm sâhibü’l-hayrın vakfı olan menzilin tevliyyetini vakfiye-i ma‘mûlün-bihâsı nâtıka olduğu üzre kendiden sonra mahalle-i mezbûre ahâlîsinin re’y edip ihtiyâr ettikleri kimesneye verile deyû mastûr ve mukayyed ve ahâlî-i mezbûreden olup zeyl-i kitâbda muharrerü’l-esâmî olan bî-garaz müslimîn vakf-ı mezbûrun evlâd-ı evlâdından olan işbu bâ‘isü’l-kitâb Mustafa Dede b. Mehmed’in vakf-ı mezbûra mütevellî olmasını re’y edip ihtiyâr etmeleri ile menzil-i mezbûrun tevliyyetini ber mûceb-i şart-ı vâkıf ahâlî-i mahalle-i mezbûrenin muhtârları olan mezbûr Mehmed Dede’ye taraf-ı şer‘den tevcîh olunup [124a] ol dahi tevliyyet-i mezbûreyi kabûl ve merâsimini edâya ta‘ahhüd etmeğin mâ hüve’l-vâki‘ bi’t-taleb ketb olundu. Fi’l-yevmi’s-sâmin aşer min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Halil Efendi b. İbrahim el-İmâm, İbrahim Halîfe b. Sâlih, Sefer Beşe b. Abdullah, Ahmed Beşe b. Mustafa.