Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 274 Hüküm no: 287 Orijinal metin no: [41b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zamane bt. Abdullah’ın vakıf menziline mütevelli Mustafa Efendi’nin vefatıyla el-Hâc Mehmed Efendi b. Hasan’ın mütevelli tayin edildiği Merhûme Zamane bt. Abdullah nâm sâhibetü’l-hayrın mahrûse-i Galata hâricinde Müeyyedzâde mahallesinde vâki‘ vakıf menzilinin hasbî tevliyeti mahalle-i mezbûre imâmlarına meşrûta olup mahalle-i mezbûrenin mukaddemâ imâmı ve menzil-i mezbûrun ber-vech-i hasbî mütevellîsi olan Mustafa Efendi fevt olup tevliyet-i mezbûre mahlûle olmağın hâkim-i muvakkı‘-ı a‘le’l-kitâb -rafa‘a kadrahû mevlâhü’l-vahhâb- efendi hazretleri dahi hâlâ mahalle-i mezbûre imâmı olan işbu râfi‘u’l-kitâb el-Hâc Mehmed Efendi b. Hasan nâm kimesneyi menzil-i mezbûra ber-vech-i hasbî mütevellî nasb ve ta‘yîn eyledikde ol dahi ber-vech-i muharrer tevliyet-i mezbûreyi kabûl ve mahallinde hıdemât-ı lâzimesini ikāmete ta‘ahhüd etmeğin mâ-hüve’l-vâkı‘ bi’l-ibtigā ketb olundu. Fi’l-yevmi’s-sânî min-Zilhicceti’ş-şerîfe sene 1137. Şuhûdü’l-hâl: Mustafa Efendi b. Hasan, Halil Çelebi b. Mustafa, Mustafa b. Ahmed, Mehmed b. Ahmed, İbrahim b. Mustafa.