Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 279 Hüküm no: 294 Orijinal metin no: [42b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm bt. Mustafa’nın Mustafa Beşe b. Ahmed’den muhalaa ile boşandığı Mahrûse-i Galata muzâfâtından kasaba-i Tophane’de Tomtom mahallesinde sâkine Ümmügülsüm bt. Mustafa nâm hâtun zâtı ba‘de’t-ta‘rîfi’ş-şer‘î mahfil-i şer‘de zevc-i muhâlı‘ı işbu râfi‘u’l-kitâb Mustafa Beşe b. Ahmed nâm kimesne mahzarında bi-tav‘ihâ ikrâr ve takrîr-i kelâm edip zevcim mezbûr Mustafa ile beynimizde hüsn-i zindegâmemiz olmayıp hul‘a tâlibe ve râgıbe olduğum ecilden zimmetinde mütekarrır ve ma‘kūdün-aleyh olan on üç bin akçe mehr-i mü’eccelimden fâriğa olup nafaka-i iddet ve me’ûnet-i süknâm dahi kendi üzerime olup ve mezbûrun zimmetinde olan yirmi guruş hakkımın on guruşu mukābelesinde bana bir piyade kayığını def‘ u teslîm edip ben dahi ba‘de’l-ahz bâkī kalan on guruşun yedi guruşundan dahi fâriğa olup üç guruşunu bana vermek üzere zevcim mezbûr Mustafa Beşe ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl meblağ-ı bakī-i mezbûr üç guruşdan mâ‘adâ hukūk-ı zevciyyete müte‘allika âmme-i da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’r-râbi‘ aşer min-şehri Ramazâni’l-mübârek sene 1137. Şuhûdü’l-hâl: İbrahim Çelebi b. Muharrem, Halil Çelebi b. Mustafa, İbrahim b. Mustafa, Mehmed Ağa b. Ahmed, Mehmed b. Mustafa.