Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 282 Hüküm no: 298 Orijinal metin no: [43a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şahin v. İlya’ın Mora asıllı cariyesi Eleniye bt. Nikola’yı azat ettiği Mahmiye-i İstanbul’da Cibalikapısı hâricinde sâkin Şahin v. İlya nâm zimmî meclis-i şer‘de ıtk-ı âtî sudûruna değin kendüye rıkkiyyetini mu‘terife olan orta boylu açık kaşlı kara gözlü Mor[av]iyyetü’l-asl kâfiretü’l-mille râfi‘atü hâzihi’l-kabâle Eleniye bt. Nikola nâm câriye-i memlûkesi muvâcehesinde ikrâr ve takrîr-i kelâm edip câriyem mevsûfe-i merkūmeyi lâ-li-ivazin âcil ve lâ-li-garazin âcil mâlımdan tahrîr ve i‘tâk ve zümre-i harâyir-i asliyyâta idrâc ve ilsâk eyledim ba‘de’l-yevm mevsûfe-i merkūme sâir harâyir-i asliyyât gibi hürre olup üzerinde velâ-i şer‘îden gayri hakkım bâkī kalmamışdır dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’s-sâbi‘ min-Zilhicceti’ş-şerîfe sene 1137. Şuhûdü’l-hâl: Halil Çelebi b. Mustafa, Süleyman Efendi b. Osman, Ali b. Abdullah, Mehmed b. Ahmed, Mehmed b. İbrahim ve gayrühum.