Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 295 Hüküm no: 315 Orijinal metin no: [45b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mehmed’in Mehmed Beşe b. Ali’den muhalaa ile boşandığı Mahrûse-i Galata’da Yolcuzâde mahallesinde sâkine ve zâtı Mustafa Reis b. el-Hâc İbrahim ve İbrahim b. Mustafa nâm kimesneler ta‘rîfleriyle mu‘arrefe olan Âişe bt. Mehmed nâm hâtun meclis-i şer‘de zevc-i muhâlı‘ı işbu râfi‘u’l-vesîka Mehmed Beşe b. Ali nâm kimesne mahzarında bi-tav‘ihâ ikrâr ve takrîr-i kelâm edip zevcim mezbûr Mehmed Beşe ile beynimizde adem-i hüsn-i zindegânîden nâşî hul‘a tâlibe ve râgıbe olduğum ecilden zimmetinde mütekarrır ve ma‘kūdün-aleyh olan bin yedi yüz akçe mehr-i mü’eccelimden fâriğa olup nafaka-i iddet ve me’ûnet-i süknâm dahi kendi üzerime olmak üzre zevcim mezbûr Mehmed ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyyete müte‘allika da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’r-râbi‘ min-Zilhicceti’ş-şerîfe sene 1137. Şuhûdü’l-hâl: Mehmed Çelebi b. Ali, Ahmed b. Mehmed, Ahmed Çelebi b. Mehmed, Mustafa b. Sinan, Hüseyin b. Mehmed, İbrahim b. Mustafa.