Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 299 Hüküm no: 320 Orijinal metin no: [46b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Salih Beşe b. Ali’nin Emine bt. Mahmud’dan satın aldığı gasilhaneyi iade ettiği Mahrûse-i Galata muzâfâtından kasaba-i Kasımpaşa’da el-Hâc Ferhad mahallesinde sâkin Salih Beşe b. Ali nâm kimesne meclis-i şer‘-i hatîrde işbu râfi‘atü’l-vesîka Emine bt. Mahmud nâm hâtun mahzarında ikrâr ve takrîr-i kelâm edip mezbûre Emine Hâtun’un mahalle-i mezbûrede vâki‘ lede’l-ahâlî ve’l-cîrân ma‘lûmü’l-hudûd mülk menzilinden müfrez bir bâb kârgir gasilhânesine on guruş semen-i makbûza bana bey‘ u teslîm ben dahi ber-vech-i muharrer iştirâ eylemiş idim hâlâ bey‘-i mezbûru beynimizde bi’t-terâzî ba‘de’l-fesh ve’l-ikāle ben zikr olunan gasilhâneyi mezbûre Emine Hâtun’a red ve teslîm ol dahi semen-i mezbûr on guruşu bana def‘ u teslîm etmeğin ba‘de’l-yevm zikr olunan gasilhâne mezbûre Emine Hâtun’un ke’l-evvel mülkü olup benim kat‘an alâka ve medhalim kalmamışdır dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fî-selh-i Zilhicce sene 1137. Şuhûdü’l-hâl: Halil Çelebi b. Mustafa, Mustafa b. Ahmed, Ahmed b. Mustafa, Ali b. Abdullah, Mehmed b. Ahmed, Mustafa b. Receb ve gayrühum.