Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 304 Hüküm no: 327 Orijinal metin no: [47b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mahmud’un Mehmed b. Receb’den muhalaa ile boşandığı Mahrûse-i Galata hâricinde Bedreddin Bey mahallesinde sâkine olup zâtı Mustafa b. Receb ve Ali b. Ahmed nâm kimesneler ta‘rîfleriyle mu‘arrefe olan Âişe bt. Mahmud nâm hâtun meclis-i şer‘de zevc-i muhâlı‘ı işbu râfi‘u’l-vesîka Mehmed b. Receb nâm kimesne mahzarında bi-tav‘ihâ ikrâr ve takrîr-i kelâm edip zevcim mezbûr Mehmed ile beynimizde adem-i hüsn-i mu‘âşeretden nâşî hul‘a tâlibe ve râgıbe olduğum ecilden zimmetinde mütekarrır ve ma‘kūdün-aleyh olan iki bin akçe mehr-i mü’eccelimden geçip nafaka-i iddet ve me’ûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyyete müte‘allika âmme-i da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’l-hâdî aşer min-Muharremi’l-harâm li-sene selâse ve selâsîn ve mi’e ve elf. Şuhûdü’l-hâl: Yahya Efendi b. Yusuf, Mustafa Efendi b. Mehmed, İbrahim Efendi el-mukayyid, Halil Çelebi b. Mustafa, Yusuf b. Abdullah.