Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 307 Hüküm no: 332 Orijinal metin no: [48a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mikail v. Şehr’in boş arsasını Onan v. Melkiset’e sattığı Mahrûse-i Galata’ya tâbi‘ Ortaköy sâkinlerinden Mikail v. Şehr[et] nâm Ermeni meclis-i şer‘de işbu hâmilü’r-rakīm Onan v. Melkiset nâm Ermeni muvâcehesinde ikrâr ve takrîr-i kelâm edip akd-i âti’z-zikrin sudûruna değin yedimde mülküm olup mahrûse-i mezbûre hâricinde Hüseyin Ağa mahallesinde vâki‘ bir tarafdan Hamal Sadrioğlu mülkü ve iki tarafdan yine âhar mülküm ve taraf-ı râbi‘den tarîk-i âm ile mahdûd bir dip dut ağacını müştemil tûlen kırk yedi buçuk ve arzen on bi-hesâb-ı terbî‘i dört yüz yetmiş beş zirâ‘ mülk arsa-i hâliyemi tarafeynden îcâb ve kabûlü hâvî bey‘-i bâtt-ı sahîh-i şer‘î ile mezbûr Onan’a doksan beş guruşa bey‘ u teslîm eylediğimde ol dahi ber-vech-i muharrer ba‘de’l-iştirâ ve’t-tesellüm ve’l-kabûl semeni olan meblağ-ı mezbûr doksan beş guruşu müşterî-i merkūm yedinden tamâmen ahz u kabz eyledim ba‘de’l-yevm arsa-i mahdûde-i merkūme merkūm Onan’ın mülk-i müşterâsı olmuşdur keyfe mâ yeşâ ve yahtâr mutasarrıf olsun dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’s-sâmin min-Muharremi’l-harâm sene 1138. Şuhûdü’l-hâl: es-Sâbikūn.