Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 323 Hüküm no: 352 Orijinal metin no: [51a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rahime Hatun Vakfı mütevelliliğine Abdurrahman Halife’nin tayini Mahrûse-i Galata’da Okcu Musa mahallesinde vâki‘ merhûme Rahime Hâtun nâm sâhibetü’l-hayrın vakfından yevmî iki vazîfe ile huzûr cüz’-i şerîfine mutasarrıf olan Ali Halife b. Muharrem bundan akdem vefât etmeğle cihet-i mezbûre mahlûl olmağın müteveffâ-yı mezbûrun evlâd-ı zükûru olmamağla cihet-i mezbûrenin bir müstehakk-ı âhara tevcîhi lâzım gelmeğin hâkim-i muvakkı‘-ı sadr-ı kitâb tûbâ-lehû ve hüsnü-meâb hazretleri dahi cihet-i mezbûreyi vazîfe-i mezkûresiyle erbâb-ı istihkākdan işbu bâ‘isü’l-kitâb Abdurrahman Halife b. el-Hâc Mustafa Efendi’ye tevcîh etmeleriyle tasarrufiʼçün kıbel-i şer‘den işbu vesîka ketb olunup yedine vaz‘ olundu. Fî-gurre-i Zilhicceti’ş-şerîfe sene 1137. Şuhûdü’l-hâl: el-Hâc Abbas Efendi ayakbaşı, Yahya Efendi kâtibü’l-muhâsebe?, Mehmed Muhzır-ı muhâsebe, Çukadâr el-Hâc Mehmed, Ahmed Efendi kâtib-i muhâsebe.