Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 330 Hüküm no: 361 Orijinal metin no: [52b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sahak v. Agop’un küçük çocukları Karabet, Ariton ve Gevher’e Papa Mıgırdıç v. Karabet’in vasî tayin edildiği Mahrûse-i Galata’da Bereketzâde mahallesinde mütemekkin iken bindan akdem hâlik olan Sahak v. Agop nâm Ermeninin sulbî sagīr oğulları Karabet ve Ariton ve sagīre kızı Gevher’in tesviye-i emrlerini rü’yete kıbel-i şer‘den bir vasî nasbından lâ-büd olup ve sıgār-ı mezbûrenin li-ebeveyn ammi oğlu işbu bâ‘isü’l-vesîka Papa Mıgırdıç v. Karabet mu‘temed ve müstakīm ve vesayet-i mezbûra her vechile mahal ve müstahak olduğu sikāt haberiyle zâhir olmağın mezbûr Papa Mıgırdıç sıgār-ı mezbûrenin tesviye-i emrlerini rü’yete kıbel-i şer‘den vasî nasb ve ta‘yîn olundukda ol dahi ber-vech-i muharrer vasiyet-i mezbûreyi kabûl ve hıdemât-ı lâzimesini mahallinde ikāmete ta‘ahhüd etmeğin mâ-hüve’l-vâkı‘ bi’l-ibtigā ketb olundu. Fi’l-yevmi’l-hâdî ve’l-ışrîn min-Muharremi’l-harâm sene 1138. Şuhûdü’l-hâl: Mustafa b. Receb, Bursalı Muhzır Mehmed, İbrahim b. Mustafa, Ali Bey b. Abdullah ve derûnunda zikr olunan şâhidlerdir.