Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 334 Hüküm no: 368 Orijinal metin no: [54a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman Beşe b. Mehmed’in kölesi Fatıma bt. Abdullah’ı azat ettiği Mahrûse-i Galata’da Câmi‘-i Kebîr mahallesinde sâkin Osman Beşe b. Mehmed nâm kimesne meclis-i şer‘de rıkkiyyetini kendüye mu‘terife olan işbu orta boylu açık kaşlı kara gözlü Zenciyyetü’l-asl Müslimetü’l-mille bâ‘isetü hâzihi’l-kabâle Fâtıma bt. Abdullah muvâcehesinde ikrâr ve takrîr-i kelâm edip câriye-i memlûkem olan mevsûfe-i mezbûre Fâtıma’yı hasbeten lillâhi te‘âlâ ve haseneten li-rûhi resûli’l-mu‘allâ mâlımdan tahrîr ve i‘tâk ve kayd-ı rıkkiyyetden ıtlâk ve kazâ-yı hürriyete îsâl ve ıtlâk eyledim ba‘de’l-yevm mevsûfe-i mezbûre Fâtıma sâir ahrâr-ı asliyyîn gibi hürre olup üzerinde velâ-i şer‘îden gayri hakkım bâkī kalmamışdır dedikde gıbbe’t-tasdîki’ş-şer‘î mâ-hüve’l-vâkı‘ bi’l-ibtigā ketb olundu. Fi’l-yevmi’s-sâbi‘ ve’l-ışrîn min-Muharremi’l-harâm sene 1138. Şuhûdü’l-hâl: Hüseyin Beşe b. Hasan, Çukadâr el-Hâc Mehmed, Serbölük İbrahim Çelebi, Serbölük Halil Çelebi, Bekir Bey, İbrahim b. Mustafa.