Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 337 Hüküm no: 372 Orijinal metin no: [54b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeyneb bt. Hüseyin’in kocası el-Hâc Ali Hoca b. Muharrem’i kendisine bir gemi inşası için vekil tayin ettiği Mahrûse-i Galata muzâfâtından kasaba-i Fındıklı’da Perizat Hâtun mahallesinde sâkine işbu râfi‘atü’l-vesîka Zeyneb bt. Hüseyin nâm hâtun zâtı ba‘de’t-ta‘rîfi’ş-şer‘î meclis-i şer‘de hâlâ zevci el-Hâc Ali Hoca b. Muharrem nâm kimesne mahzarında ikrâr ve takrîr-i kelâm edip zevcim mezbûr el-Hâc Ali Hoca’yı benim için vilâyet-i Anadolu’da Hoşalay kazâsına tâbi‘ Fakaz İskelesi’nde müceddeden on altı zirâ‘ kancabaşı ta‘bîr olunur bir sefîne binâ etmek üzere tarafımdan vekîl ve nâib-i menâb nasb ve ta‘yîn eylediğimde ol dahi ba‘de kabûli’l-vekâle mezbûr el-Hâc Ali Hoca’ya mâlımdan beş yüz elli guruş def‘ u teslîm eyledim dedikde mezbûr el-Hâc Ali Hoca dahi mezbûr beş yüz elli guruşu ber-vech-i muharrer zevcesi mezbûre Zeyneb Hâtun yedinden ahz u kabz ve meblağ-ı mezbûr ile zikr olunan iskelede zevcesi mezbûre Zeyneb Hâtun için bâlâda tafsîl olunan minvâl üzere sefîne binâsına ta‘ahhüd etmeğin mâ-hüve’l-vâkı‘ bi’l-ibtigā ketb olundu. Fi’l-yevmi’s-sâmin aşer min-Muharremi’l-harâm sene 1138. Şuhûdü’l-hâl: Mustafa Efendi b. Hasan, Müezzin el-Hâc Mustafa, İmâm İbrahim Efendi, Müezzin Molla Abdullah, Attar Hüseyin Çelebi, Bıçakcı Mehmed Çelebi.