Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 810 Hüküm no: 1056 Orijinal metin no: [126b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Beşe b. Derviş’in, Hatice bt. Dilâver’deki câriye bahasından alacağını kefili olan kocası Osman Çelebi’den alması gerektiği Mahmiye-i İstanbul’da Muhtesib Karagöz mahallesinde sâkin İbrahim Beşe b. Derviş nâm kimesne meclis-i şer‘-i şerîf-i Ahmedî ve mahfil-i dîn-i münîf-i Muhammedî’de Osman Çelebi b. Şaban nâm kimesne mahzarında üzerine da‘vâ ve takrîr-i kelâm edip mezbûr Osman Çelebi’nin zevcesi olan gāibe ani’l-meclis Hatice bt. Dilâver nâm hâtun zimmetinde orta boylu, açık kaşlı Rûsiyyetü’l-asl Şahbaz bt. Abdullah nâm câriye bahâsından yetmiş esedî guruş hakkım olup meblağ-ı mezbûra tarafeynden emr [ve] kabûlü hâvî kefâlet-i sahîha-i şer‘iyye ile mezbûr Osman Çelebi kefîl olmağın suâl olunup meblağ-ı mezbûr alıverilmek matlûbumdur dedikde, gıbbe’s-suâl mezbûr Osman Çelebi müdde‘î-i mezbûrun câriyesi mevsûfe-i mezbûre bahâsından mezbûre Hatice Hâtun’un zimmetinde hakkı olan yetmiş esedî guruşa kefîl olduğunu tâyi‘an ikrâr ve i‘tirâf etmeğin ikrârı mûcebince meblağ-ı mezbûr yetmiş esedî guruşu müdde‘î-i mezbûra edâya merkūm Osman Çelebi’ye tenbîh olunmağın mâ hüve’l-vâki‘ bi’t-taleb ketb olundu. Fi’l-yevmi’r-râbi‘ aşer min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Osman Beşe b. Mehmed, Mehmed b. Ramazan, Mustafa b. Abdullah, Abdi Çelebi b. ( ) el-Muhzır.