Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 811 Hüküm no: 1058 Orijinal metin no: [126b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çelebi b. Ahmed’in, karısı Hatice bt. Abdullah’a borçlu olduğu Mahmiye-i İstanbul’da Aksaray kurbunda Çakır Ağa mahallesinde sâkin Mehmed Çelebi b. Ahmed nâm kimesne meclis-i şer‘-i şerîf-i hatîr-i lâzımü’t-tevkīrde zevce-i menkûhası Hatice bt. Abdullah mahzarında ikrâr ve takrîr-i kelâm edip bundan akdem zevcem mezbûre Hatice’den üç yüz esedî guruş iktirâz ve kabz etmişdim, meblağ-ı merkūm üç yüz esedî guruş merkūme Hatice’ye zimmetimde lâzımü’l-edâ ve vâcibü’l-kazâ deynimdir dedikde gıbbe’t-tasdîki’l-mu‘teber mâ hüve’l-vâki‘ bi’t-taleb ketb olundu. Fi’l-yevmi’r-râbi‘ aşer min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Kasab Mehmed Beşe b. ( ), Hamza Beşe b. Ali, Mehmed Çelebi b. Yusuf, Hüseyin Bey b. Ali