Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 399 Hüküm no: 445 Orijinal metin no: [71b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eyüp, Üsküdar, Galata ve Boğaz ile Kadıköy’de elinde ferman olmayan şahısların kuzu satamayacakları Sahh İzzetlü bostâncıbaşı ağa Bu sene-i mübârekede şiddet-i şitâdan nâşî koyun ve kuzu ve envâ‘ı kırılıp humsu mertebesi kalmayıp inşâallâhu te‘âlâ rûz-ı hızırda izn-i âmm oldukda dahi ibâdullâh bulmakda ruhsat bulmayıp ale’l-husûs küffârın bed nâmı eyyâmı irişmeğle ziyâde bahâ ile kuzu alacakları zâhir olmağla imdî İstanbul hâricinde Eyüb ve Üsküdar ve Galata ve Boğaz’a varınca kasabâtda ve Kadıkaryesi nâm mahalde âdemler ta‘yîn edip yedinde fermân-ı âlî olmayanlar her kimler ise kat‘an bir re’s kuzu fürûht etdirmeyip tenbîh-i ekîd eyleyesiz hilâf-ı fermân-ı âlî bir kimesnede kuzu bulunursa hakkından gelineceği tefhîm ve ahz u i‘lâm eyleyip bi’n-nefs bu husûsa tekayyüd-i tâm eyleyesiz deyü buyruldu. Vasale binâ fî 21 B.