Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 399 Hüküm no: 446 Orijinal metin no: [71b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yangına mani olmak için İstanbul, Galata Üsküdar ve Haslar’daki fırınlara çıralık odun verilmeyeceği İstanbul ve Galata ve Üsküdar ve Hâslar kādıları fazîletlü efendiler İstanbul’a ve havâlîsinde vâki‘ ekmekci ve çörekci fırınlarına çıralık odunlar vaz‘ olunup ve gereği gibi muhâfazasına ihtimâm olunmamağla iyâzen billâhi te‘âlâ harîka bâ‘is olmağla fîmâ ba‘d zikr olunan fırınlara çıralık vaz‘ olunmayıp hıfz u hirâseti ile tekayyüd olunmak ehem ve elzem olduğundan tâife-i mezbûre kethudâların ve ustaların getirdip çıralık odun vaz‘ etdirilmemek üzere tenbîh-i ekîd eyleyesiz şöyle bundan sonra dahi mütenebbih olmayanların eşyâsı mîrî için girift olunup kendüler dahi küreğe vaz‘ olunacakların tefhîm ve i‘lâm ve işlerinin hıfz u hirasetine ziyâde tekayyüd ve ihtimâm eyleyeler deyü tenbîh ve i‘lân eyleyesiz deyü buyuruldu. Fi’l-yevmi 20 Cemâziyelâhir sene [1]137.