Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 400 Hüküm no: 448 Orijinal metin no: [72a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yeniköy naibi olan es-Seyyid Mahmud Efendi’nin tekrar naib olmasına mani olunması talebi Sahh Mûcebince kānûn üzere hüküm verildi. Devletlü inâyetlü merhametlü sultânım hazretleri sağ olsun Yeniköy ve İstinye re‘âyâ fukarâları olup yerliden nâib olmak memnû‘ iken İstinyeli es-Seyyid Mahmud Efendi üç dört def‘a Yeniköy nâibi olup re‘âyâ fukarâsına zulm ü cevri olmağla Galata kādısına varıp her kimi nâib edersen eyle onu eyleme deyü teşekkî eylediğimizde mezbûr es-Seyyid Mahmud intikām almak sevdâsıyla yine niyâbeti alıp her gördüğü kimesnelere ben niyâbeti intikām için aldım deyü mezbûrdan gāyet havfımız olmağla arzuhâl olunup fermân-ı âlî ile azl olunmuş iken yine niyâbeti alırım ve cümlenizden intikām alırım deyü bâ’is-i ihtilâl olup eğer nâib olmak lâzım gelir ise cümle perâkende ve perîşân olmak nümâyân olmağın merâhim-i aliyyelerinden mercûdur ki min-ba‘d mezkûr nâib olmayıp üzerimizden zulmü men‘ u def‘ olunmak bâbında hükm-i şerîfleri ricâ olunur . Bendegân-ı re‘âyâ-yı Yeniköy ve İstinye.