Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 401 Hüküm no: 449 Orijinal metin no: [72a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yangında mal ve eşya çalanların eşyaları alındıktan sonra katledilecekleri İzzetlü çavuşbaşı ağa İyâzen billâhi te‘âlâ ihrâk vukū‘unda ba‘zı eşhâs ibâdullâhın emvâl ve eşyâsını nehb ü gāret etmeleriyle bu makūleler ahz olundukda aldıkları ashâbına red olundukdan sonra siyâseten katl olunurlar deyü fetvâ-yı şerîfe verilmeğle fîmâ ba‘d bu misillü yağmacılar ahz olunacak olurlar ise bilâ-emân katl ile cezâları tertîb olunacağını cümleye i‘lân ve işâ‘at için bezzâzistân önlerinde ve çarşı içinde vesâir müctema‘-i nâs olan mahallerde münâdîler nidâ etdürdesiz deyü buyuruldu. Vasale ileynâ fî 21 L sene [1]137.