Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 79 Hüküm no: 2 Orijinal metin no: [1b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vasil v. Luka’nın giyecek bedelinden Yani v. Panayot’dan üç yüz yirmi beş guruş alacaklı olduğu Galata’da mütemekkin Vasil v. Luka nâm zimmî Galata Bâb Mahkemesi’nde meclis-i şer‘de Yani v. Panayot nâm zimmî muvâcehesinde mersûm Yani zimmî bundan akdem yedimden iştirâ ve kabz eylediği beynimizde esvâb-ı mütenevvi‘a-yı ma‘lûme esmânından üç yüz yirmi beş guruş alacak hakkım olmağla hâlâ taleb ederim deyü da‘vâ ettiğimde ol dahi cevâbında ber-vech-i muharrer tâyi‘an ikrâr u i‘tirâf etmeğin alâ-mûcibi ikrârihi meblağ-ı mezkûr üç yüz yirmi beş guruşun müdde‘î-i mesfûr Vasil zimmîye edâsıyla mersûm Yani zimmî ilzâm olunduğu bi’l-iltimâs huzûr-ı âlîlerine i‘lâm olundu. Fî 2 M sene [1]221.