Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 80 Hüküm no: 3 Orijinal metin no: [1b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalyoncu Mehmed Ârif’in Kalyoncu Ali aleyhine açtığı alacak davasında iddiasını ispat edemediği Kalyoncu tâifesinden Mehmed Ârif b. Ali nâm kimesne Galata Bâb Mahkemesi’nde meclis-i şer‘de tâife-i merkūmeden Ali b. İbrahim nâm kimesne muvâcehesinde mezbûr Ali zimmetinde cihet-i karzdan alacak hakkım olan altmış yedi guruşu hâlâ taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsına ikāmet-i beyyine edemeyip bi’t-taleb mezbûr Ali ba‘de’t-tahlîfü’ş-şer‘î mûcebince müdde‘î-i mezbûr Mehmed Ârif da‘vâ-yı mezkûresiyle mezbûr Ali’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 4 M sene [1]221.