Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 86 Hüküm no: 19 Orijinal metin no: [2b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Keresteci Anaştas v. Efrim’in sattığı kereste bedelini taksitle ödemesi için Luciye bt. Anparsom’a izin verdiği Keresteci Anaştas v. Efrim zimmî Galata Bâb Mahkemesi’nde meclis-i şer‘de şahsı mu‘arrefe Luciye bt. Anparsom nâm Nasrâniyye muvâcehesinde mersûme Luciye Nasrâniye zimmetinde ecnâs-ı kereste semeninden alacağım olan yüz elli guruşu bana hâlâ ve def‘aten edâya iktidârı olmayıp ber-vech-i âtî te’cîl ve taksîte tâlibe olmağla ben dahi beher şehr bana yirmi beşer guruş verip târih-i i‘lâmdan altı ay tamamına değin tamamen edâ-yı deyn etmek üzere Nasrâniye-i mersûmeyi te’cîl ve taksît eylediğimde ol dahi ber-vech-i muharrer müeccele ve mukassata edâ-yı deyne ta‘ahhüd eyledi deyü ikrâr ve tasdîkleri tescîl ve huzûr-ı âlîlerine i‘lâm olundu. Fî 12 M sene [1]221.