Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 87 Hüküm no: 21 Orijinal metin no: [2b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasımpaşa’da Sururî Efendi Vakfı’na ait arsaya Nalıncı Hacı Hasan Vakfı mütevellîsinin müdahalesinin men‘i Nezâret-i dâ‘îlerinde olan evkāfdan Galata’ya muzâfe kasaba-i Kasımpaşa’da vâki‘ merhûm Sururî Efendi Vakfı’nın ve vakf-ı mezkûra mülhak Nâilî Hanım Vakfı’nın mütevellîsi sâhib-i arzuhâl Hüseyin Ağa b. Mehmed dâ‘îlerinde olan evkāfdan kasaba-i mezbûrede kâin merhûm Na‘lıncı el-Hâc Hasan Vakfı’nın mütevellîsi derûn-ı arzuhâlde mezkûrü’l-ism Mustafa Efendi b. Mehmed İncekaş Çeşmesi ittisâlinde vâki‘ bir tarafdan çeşme-i merkūme hazînesi ve bir tarafdan Fâtıma Hatun menzili ve bir tarafdan mârru’z--zikr Na‘lıncı el-Hâc Hasan Vakfı’ndan ve taraf-ı râbi‘i ba‘zan İpçi Abdullah bahçesi ve ba‘zan tarîk-i âm ile mahdûd beher şehr altı akçe icâre-i müeccele ve mu‘accele-i ma‘lûmeli münhedim bir bâb menzil arsası vakfı müstegallâtından iken mezbûr Mustafa Efendi arsa-yı mahdûde-i mezkûreyi bu esnâda mütevellîsi olduğu mârrü’l-beyân Na‘lıncı el-Hâc Hasan Vakfı’ndan deyü fuzûlî [semen-i] ma‘lûme ile gāibe ani’l-meclis Emine bt. Hüseyin nâm hatuna îcâr irâdesinde olduğu mesmû‘um oldukda işbu bir kıt‘a i‘lâm-ı şer‘î mantûkunca ben de Galata Kādısı fazîletlü Hâfız Mehmed Emin Efendi huzûrunda mezbûr Mustafa Efendi’den da‘vâ ve müdde‘âmı şuhûd-ı udûlle muvâcehesinde vech-i şer‘î üzere isbât etmemle mûcebince mezbûr Mustafa Efendi’nin arsa-yı mezkûreden kasr-ı yedine kıbel-i şer‘den tenbîh olunmuş iken bu esnâda mezbûr Mustafa Efendi kemâ-fi’s-sâbık müdâhale ve mümâna‘at etmekle müdâhalesi men‘ olunmak matlûbumdur deyü mefhûmu min-külli’l-vücûh takrîr-i meşrûhuna mutâbık bir kıt‘a i‘lâm-ı mezkûr ibrâzıyla da‘vâ eyledikde ol dahi cevâbında ber-vech-i tafsîl bi-tamâmihî tâyi‘an ve kat‘iyyen ikrâr u i‘tirâf etmeğin mûcebince arsa-yı merkūmeden kasr-ı yedine tenbîh-birle mârrü’l-beyân.